भोटेकोशी बाढीका कारण रसुवा भन्सार कार्यालयका १५ कर्मचारी बेपत्ता भएका छन् ।
बिज्ञापन
त्यहाँ कार्यरत् ४० कर्मचारीमध्ये प्रमुख भन्सार प्रशासक राजेन्द्र ढुंगानासहित २५ जना सम्पर्कमा आएका छन् । भन्सार विभागका अनुसार सम्पर्कमा आएका २५ कर्मचारीमध्ये २ जनाको नर्भिक अस्पतालमा उपचार भइरहेको छ । अन्य ११ जना काठमाडौं आइपुगेका र उनीहरुको अवस्था सामान्य रहेको जनाइएको छ ।
यस्तै १५ कर्मचारीहरु भने सम्पर्कमा छैनन् । जसमा नहकुल शर्मा, राजेन्द्रकुमार सोनकर, विकास तामाङ, विष्णुप्रसाद भुसाल,भीमबहादुर लामा,दिनेश घिमिरे,अनिता पुरी, प्रेमप्रसाद सेढाईहरु सम्पर्कभन्दा बाहिर रहेका छन् ।
यस्तै,गोविन्द अधिकारी, सुनिल गुरुङ, नरेशदत्त जोशी, राजु ओली,राम नेपाली, विमल त्रिपाठी र हरिबहादुर खड्काहरु सम्पर्कमा रहेको भन्सा विभागले जनाएको छ । सम्पर्कभन्दा बाहिर रहेका कर्मचारीहरूका परिवारजनको उद्धार, सूचना आदान प्रदान र सहायताका लागि विभागले शाखा अधिकृतहरु कुमार घिमिरे सम्पर्क नम्बर ९८४१३६५९४८, भरतमणि सापकोटा ९८४९६४५०३० र शिवराज बोहरा ९८४९९३२२०२ सम्पर्क गर्न आग्रह गरेको छ ।
